何韻詩昨日在港台接受訪問時，談到有雜誌指其師傅梅艷芳的千萬鑽飾及一批ChristianDior新裝不翼而飛一事時，表示不可信，她說：「我從來冇聽過何太（梅姐契媽）提過呢件事，總之梅姐嘅嘢會有專業人士同大人去處理。」對於梅媽媽日前稱連炎輝為「嗰隻嘢」，阿詩說：「你哋唔好再撩佢啦，可能天氣凍同埋咁多人迫住佢，令個老人家易𤷪𤺧。」
不過，阿詩對於台灣BMG將會推出梅姐生前的國語作品時，則不滿地說：「呢啲時候做嘢會變得好快手，梅姐在生兩、三年前已經錄起呢幾首歌，但係就冇人通知過梅姐呢邊任何一個人，我哋都係睇報紙先知道會出呢隻碟，我覺得禮貌上同尊重梅姐都要向佢身邊嘅人講聲。」據知，因為運貨的問題，原定昨日推出的《永遠的梅艷芳》會延遲至今日，跟華星的《梅．憶錄》同日推出。
此外，梁漢文前晚對有報道指謝霆鋒於燒紙紮品給阿梅時笑一事說：「咁阿姐都唔想我哋喊，佢當時笑都係出於一個positive嘅心。」
採訪：李珮洳
攝影：陳志嵐