楊恭如早前介紹新春盆菜，她表示家中傳統過新年愛吃盆菜，貪其意頭好，她說：「盆菜有盤滿缽滿嘅意思，形狀又好似一個聚寶盆，裏面有『發財大利』嘅牛脷、『竹報平安』嘅枝竹等，十款菜式，代表十全十美，好意頭又好食。」 恭如表示自己易瘦難肥，新春必定開懷大嚼。 盼年年有「如」 提到新年願望，恭如說：「年年有餘啦，有剩錢係好兆頭，另外年年有『如』，即係年年有恭如，代表每年大家都見到我演出，更加好。」