張栢芝和邰正宵前晚在紅館為女子十二樂坊尾場演奏會任表演嘉賓。現場所見，栢芝可能平時做同類型大騷機會不多，所以表演時有點怯場。
栢芝穿上高踭鞋在舞台行樓梯時，一步一驚心，她顯得小心翼翼。司儀鄭丹瑞對她說：「你重係好似好驚，我已經喺後台攬咗你一吓，𠵱家我再攬多你一吓。」
栢芝又向觀眾表示歉意說：「我呢方面經驗少，表現唔好，希望大家多多見諒，我已盡晒力。」演出完畢，栢芝在後台直認演出時腳震，她說：「我頭先震過貓王，好彩女子樂坊好nice，我之前為呢次演出失眠。」
此外，栢芝繼續否認登台要陪老闆應酬劈酒傳聞，她說：「林建岳笑我做乜嘢陪人飲酒唔陪佢，係咪嫌棄佢唔夠靚仔，大細超。我已經有十個月冇去蒲，我飲一罐啤酒都會暈，要瞓覺，劈酒唔通淨係飲一罐啤酒？」
採訪：胡比
攝影：何國豪