年廿八洗邋遢，劉綽琪與吳浩康日前分別落手落腳洗車。
劉綽琪早前以十多萬元購入一部四驅車，她說：「之前我揸BenzA-Class細車仔，但我想揸大車好耐，白色車好適合女仔揸，所以就買嚟獎勵自己。」
劉綽琪續說：「今次第一次洗車，原來一啲都唔辛苦，重好好玩㖭。」劉綽琪年紀輕輕已有車有樓，問她可有經濟負擔？她說：「咁我喺美國層樓都係租畀人住，我主要係供車啫，所以唔會太擔心。」
而沒有車牌沒有車的吳浩康，見公司的司機在過去一年管接管送，新年他便幫手洗車，當慰勞司機。吳浩康今年還準備派利是給公司同事，他說：「我同鄭希怡傾偈話派幾多錢利是，本來我話五十蚊，點知佢即刻鬧我儍仔，話派利是唔係只講意頭嘅，所以我會派番一百蚊！」
採訪、攝影：王崇穎、胡比