在舞台上常以性感形象示人的黃伊汶（Emme），私底下對性感服飾原來頗抗拒。日前Emme與助手到一間內衣店入貨，但所買的並非性感款式的內衣，她只對一堆卡通圖案的內衣褲情有獨鍾。
日前黃伊汶趁空檔時間與助手結伴到銅鑼灣世貿中心買內衣褲，Emme甫進店內便第一時間走到TsumoriChisato的專櫃「掃貨」，不消十五分鐘，她便買了三套新的內衣褲及一套睡衣。
其間，店員向Emme推銷一些較為性感的喱士款式內衣，但她完全不感興趣，反而Emme全程只顧選購一批卡通圖案的內衣褲，其中一套更印有卡通獅子、小豬的圖案，而Emme所選的睡衣亦印有獅子的公仔。
Emme事後表示，她必定會買一些新內衣及睡衣，她說：「由細到大我都會習慣咗喺新年前一定要買新衫，唔理係底衫定係出街衫，細個就當然係由媽咪負責啦，大個咗就會自己買番。我嗰日總共買咗三套底衫褲同一套睡衣，十五分鐘就使咗千幾蚊啦。」
問到Emme為何這麼抗拒款式性感的內衣，她說：「一來我覺得喱士款式嘅底衫褲啲款比較老套，同埋我自己好鍾意Tsumori呢個牌子，所以知道嗰間舖頭有入佢嘅under就即刻走去掃貨啦，一見到佢啲圖案咁得意就真係忍唔到手，而且我都係鍾意棉質嘅under多啲。」
採訪：李珮洳 攝影：陳偉權