汽車大集團農曆年前請食「無情雞」

汽車大集團農曆年前請食「無情雞」

重有三日,會係唔少香港人眼中,送羊迎猴嘅農曆年初一大喜日子,原本響2003年下半年,喺本地經濟向好嘅環境下,唔少香港人嘅心情開始轉好;點知上周中本地車壇數一數二嘅大集團——大昌行,竟響年近歲晚嘅日子裏,提早請員工食「無情雞」噃!
相信唔少車行中人包括本地汽車傳媒,亦聞得呢個消息。原本呢啲商業決定,亞Mark亦唔想過問,之不過近日又道聽塗說,早前亞Mark曾經披露過,話大昌行個別嘅汽車部門為要削減開支,響遲吓農曆年過後,原本位處九龍太子嘅總寫字樓,會陸續搬回位於九龍灣嘅基地,查實重有下文㗎!皆因有關公司嘅高層,傳聞只預計約80名後勤員工一齊搬遷,惟現今卻有過百職員噃!坦白講,亞Mark對嚟緊猴年嘅香港車壇,抱有樂觀嘅態度,但願各家車行及汽車代理商,亦有相同嘅睇法;在此祝願香港前景向好,最緊要重係人人有工做。