史文鴻終於放棄理大教鞭，轉投自由黨，出任自由黨總幹事，專責政策研究。
之前喺辯論23條嗰陣，史Sir曾經大罵葉劉等高官，話係「豬狗不如」，跟住又話係侮辱咗啲畜牲，真係勇氣可嘉，點知𠵱家忽然入自由黨做高層，唔係咁似佢嘅性格喎。史文鴻話，已經早知會咗校長潘宗光，冇潘宗光大力支持佢離開理大，唔係點可以喺二月頭就走馬上任？𠵱家大學削支，有人自願離職，潘宗光就最高興，做乞兒都乞少兩個錢，又點會阻史Sir發達吖。
史Sir認為自由黨「甚有發展前景」，可以加入更多人道主義，多啲關懷社會，做一個跨階級、面向人民嘅人民黨。唔怪得史Sir主動搵田少，兩人一拍即合。不過咁，周梁就反對普選，話功能組別最啱聽，睇嚟史Sir想改建「人民黨」，好難過周梁嗰關。
傳真︰2623-9278
電郵︰