任賢齊（小齊）在電影《花好月圓》中飾演一位花癡，他為了研究一種可辟除體臭的妙方，於是誠邀有體臭的賣魚女楊千嬅接受他新研製的治療香薰浸浴法，小齊要千嬅浸在注滿花香的木桶內，浸浴大半天以辟除體臭，可惜浸了大半天後，千嬅頓變成綠魔人，由頭到腳都是綠色，試驗終歸失敗了。
千嬅表示：「拍呢場戲要浸喺一盆綠水度，真係唔易受，因為呢場戲，係講個治療法要經過三種不同嘅花香浸浴，因為咁樣我就要喺大木桶度上上落落幾次，浸咗大半日先拍完，我啲皮膚都浸到皺皮，而塊面又要搽成綠色，我喺塊鏡睇到自己個樣都覺得好好笑。」
首次與小齊合作，千嬅盛讚小齊是好好先生，而且很健談和開朗，千嬅表示：「小齊都幾有男士風度，又冇乜架子，我同佢喺現場拍嘢嗰陣，見佢成日都可以保持笑容，脾氣真係好到冇得頂。」
