胡敏珊（Christie）昨日帶愛貓到中環洗白白，以及買新衫扮靚過新年。Christie親自為愛貓沖涼前，按部就班先剪腳甲、洗眼，然後再梳毛，非常熟手。愛貓如命的她還透露現時學習針灸，希望將來可以造福貓犬。
年廿八，洗邋遢，但名媛胡敏珊因今日起程到泰國清邁拜佛及冥想，故昨日先帶小貓到中環洗白白，並即場選購中式旗袍及和服等為愛貓裝身，扮靚過新年。
Christie養了兩隻波斯貓CC及Cream，去年更生了五隻小貓，Christie一提到貓便雀躍不已，她說：「以前養狗仔鍾意佢熱情，覺得貓太cool。其實貓嘅主人觀念好重，佢會同主人好親近，可愛到不得了。」
Christie續說：「養咗兩年貓，我屋企嘅Cream仔重當我係女朋友，對出面嘅貓女冇興趣，晚晚攬住我、錫完嘴仔先肯瞓。」Christie每日都為愛貓洗眼、洗耳仔及梳毛，洗澡則半個月一次，工作忙碌時便會以貓用的乾洗梘液為愛貓沖涼。
對此Christie更詳細解釋步驟說：「要按部就班，先剪腳甲、洗眼之類，梳完毛就沖水，洗兩次梘液先乾淨。最小心係要幫貓貓耳仔塞棉花，淋水就由尾開始淋，最後梳毛可以加啲爽身粉嚟梳。」
為愛貓洗邋遢後，Christie即趕往上針灸課程，她表示尚有三年才取得文憑，她說：「我希望將來可以用針灸幫貓、狗醫病，有朋友試過隻金毛尋回犬俾車撞到癱咗，後來用針灸醫番。」至於新年願望，Christie表示希望事事順利、開心快樂。
採訪、攝影：DebbieLum
場地提供：ForeverBeauty、GroomingCenter
