若然大家向來有留意車壇動態的話，相信都會知道德國福士車廠，曾於多個國際性車展上，展出全新ConceptR開篷概念跑車；此車造型獨特吸引，出眾性能表現更叫人留有深刻印象。而響最近，廠方又於北美國際車展上，展出全新ConceptT概念越野Coupe，同樣惹人注目呢！
全新ConceptT概念越野Coupe，除擁有一個極具CyberFeel嘅造型設計，同埋以鮮豔顏色作配襯嘅車身色調外，另外重有以鷗翼式設計出現嘅車門配搭、T-bar式嘅車頂，同埋19吋巨型跑車合金胎軨組合，望落可謂既獨特又吸引；至於車廂方面，除空間寬敞設備齊全、坐得舒適之餘，車內鋪排更可按需要而作出變更，如可改為適合於城市用、兼以真皮作配襯嘅Downtowntrim，又或者戶外用嘅Outdoortrim，當然唔少得重有先進嘅PMG系統啦！
與此同時，ConceptT又以一台能輸出241匹馬力嘅3.2公升V6引擎作核心，並以4Motion恒式四驅系統及Tiptronic半自動波箱作配搭，難怪佢0至100公里加速度僅為6.9秒，而極速更可達230km/h。