重有三日就踏入農曆新年，大使提早向讀者拜年，祝大家新年勝舊年，上班一族工作順利，讀書嘅學業進步，最緊要家中男女老幼身體健康，沙士永遠絕迹香港，禽流感呢世唔會喺香港出現。
大使並祝願本地經濟逐漸復甦，而身處逆境同面對經濟壓力嘅家庭千祈唔好輕言放棄，需知道希望滿人間，只要意志堅強，積極進取，任何困難都有解決方法，幸福同歡欣唔係咁難擁有。
以上全屬大使一番心底話，希望得到大家共鳴同支持。講開支持，蘋果日報慈善基金特設嘅「賀歲禮物包專戶」，正需要讀者熱心支持。呢個專戶致力募集善款，購買食品或衣服等賀年物資，送贈一眾單親家庭、獨居長者及傷殘人士，令佢哋感受到社會人士關心同支持，喜迎新歲。
專戶現正陸續安排送贈賀歲禮物予弱勢社群，善長慷慨捐款支持，將令更多貧困人士同享節日歡欣。該專戶另歡迎社會服務機構轉介個案或有需要人士申請賀歲禮物，查詢詳情請電：29908688。
「賀歲禮物包專戶」捐款編號：C0445
暖流熱線
電話：29908688
傳真：23702192
電郵：
網址：