何志平年初二去唔去拜車公，求支下下籤，已經成為城中最大嘅猜謎遊戲，有人話佢已經知會咗沙田有關人士，猴年不再見，但局長秘書就仍然話，未最後拍板，真係去唔去拜神咁嘅嘢都有不同版本，問你服未？
何局長一直想知道公眾意見，然後決定點樣行事，但係香港人出名意見多多，要統一談何容易。第一類叫佢照去，因為咁靈；第二類就話可以去，但係千祈唔好求籤；第三類「多謝」晒佢，叫佢要識避忌吓，自己身為基督徒，唔好亂咁拜。第四類話：可以去，但要着條紅底褲，咁就一定會攞到支上籤。
聽埋咁多，睇怕何局長都唔會去。不過由於對方重未發出邀請，所以佢哋冇乜好講。咁人哋都係睇你嘅啫，你主動話唔去，咪唔請囉。何局長今年唔會外遊，邊個想同佢拜年都無任歡迎。
（圖）何局長舊年好做唔做走去求籤，今年應該醒啲，早啲話唔去啦。
傳真︰2623-9278
電郵︰