前SClub7嘅成員RachelStevens，曾經好多次俾人選做英國最性感女星，以Rachel呢啲34、23、34嘅身材，真係可以令好多男士暈低。最近走中價路線嘅英國內衣品牌PrettyPolly就搵咗Rachel做代言人，而呢輯內衣廣告，啱啱就喺前日曝光。
據講，首次起用明星做代言人嘅PrettyPolly，今次搵Rachel嘅原因，除咗貪佢身材好之外，亦都因為佢受男士歡迎。當問到Rachel被封為性感女神有乜嘢感覺時，佢好謙咁話：「邊係啫！我唔覺得自己性感！」傳言重話Rachel收咗人哋約一百四十萬港紙廣告費先肯露一露。
不過咁，英國有八卦雜誌話，Rachel拍完呢輯相後，即刻同電視男星男友JermeyEdwards嗌交，因為Jeremy唔鍾意Rachel成日賣肉，所以早排重同埋佢分手㖭！雖則Rachel今次袋咗成百幾萬，不過佢今次性感嘅代價，真係唔細㗎！