前學運領袖吾爾開希可能今晚提早返台，主要係家人催佢快歸家度歲。八方日前同佢傾偈，佢兩個仔輪住同佢傾長途電話，八歲嘅大仔話佢知，今次考試又考第一，有幾科攞咗一百分，吾爾開希開心到由心裏面甜出嚟，猛話回台後會帶佢去食好嘅。
吾爾開希今次來港收穫好大，見番好多好朋友，實在有啲唔捨得走，但始終家在台中。離開之前，佢向《蘋果日報》讀者拜年，祝大家新年快樂，猴年進步。
港府今次批准吾爾開希嚟，十分抵讚，吾爾開希話希望以後都可以嚟，但「六四」十五周年，佢決定留台紀念，唔嚟香港。
傳真︰2623-9278
電郵︰