林嘉欣昨日出席聯合國兒童基金會在尖沙嘴舉行的栗子慈善義賣活動，嘉欣即場炒栗子，身體力行幫手籌款，而嘉欣亦成功吸引途人買下她所炒的栗子。
嘉欣表示平日一有時間，她便盡量抽空出席這類有意義的活動，嘉欣坦言：「我哋喺香港長大實在太幸福，都唔知有啲人好辛苦，所以都好想去一啲山區地方探訪一吓，不過我其實都有擔心會做唔到，又怕辛苦，但係一諗到做完之後自己會好開心，幫到人嘅感覺好好，所以𠵱家度緊時間，睇吓遲啲去唔去到。」
嘉欣出席完活動後，便開始放十二日大假，嘉欣說：「我收爐啦，新年會返台灣陪媽咪，重會喺台灣派利是。」難得有十二日大假，問嘉欣其公司似乎待她不薄，她即大驚小怪：「我今年淨係得呢十二日假，之後講到明冇假放。」
採訪、攝影：胡比