呢輪《基本法》日日成為新聞，好多人都要搵相關嘅文獻嚟同啲護法對質，特別係法律界人士，人人都要刨書，一啲關於《基本法》嘅舊書忽然好搶手。
好似最近係電視惡形惡相嘅蕭蔚雲，佢係九○年就親自寫咗一本《一國兩制與香港基本法律制度》嘅書，裏面對於當年起草基本法嘅過程都記錄得十分詳細同清楚。家陣佢老哥猛咁話當年講循序漸進，其實係指到二○四七，或者三七先至達到普選行政長官，但佢喺本書又冇咁講，只係話頭十年寫得清清楚楚，之後用附件方式處理，等大家容易改。喂，你蕭老八十歲人，點解對未來三十年嘅嘢都指點江山，真係老到懵咗咩。
另一本就係文滙出版社嘅《基本法的誕生》，由𠵱家特首辦嘅陳建平主力負責，有乜唔明，問佢最清楚。
（圖）最近好多法律界人士搵關於《基本法》嘅舊書。
傳真︰2623-9278
電郵︰