豐田AlphardSuperG-Limited享受至高

除唔使38萬，便可擁有現今最受歡迎嘅豐田Alphard豪華MPV外，若然你係一個對生活有要求嘅用家的話，就不妨考慮吓另一款配備前後泊車鏡頭，以及豐田原廠一套G-Book連多功能裝置，重有杜比5.1環迴立體音響同影視裝置嘅新款AlphardSuperG-Limited。

記者、攝影：李勤　新車售價：$489,000　
車輛提供：富利堡汽車（23330747）

■尾泵把附整流設計外，兩旁重有警示用反光燈。

■全新一體式頭泵把連大型氣霸設計，跑意盎然。

Hybrid新版造型夠吸引
雖然同屬Alphard系列，惟外形就以最新Hybrid版本作主打，有全新鬼面罩、前後大型氣霸及整流器外，重有予人CyberFeel嘅Xenon頭燈同尾燈編排，難得頭尾重隱藏有閉路電視，以監察車前路面情況及距離外，倒車重有電視屏幕輔助，咁就唔怕有盲點出現啦！

■車廂陳設高貴又見CyberFeel，予人品味獨特又吸引。

TheaterSoundSystem享受至頂級
講到車廂，同屬三排八座位高級真皮鑲嵌嘅座椅，既有獨立中央手枕，又有個別頭枕同三點式安全帶裝備。除置有左右兩邊電動雙趟門，又有電窗、電鏡同雙天窗外，此車重裝有原廠至High-tech嘅杜比5.1TheaterSoundSystem環迴立體音響，以及雙屏幕嘅高級AV系統，當然少不了重有前後獨立恒溫冷氣連送風㗎！

■一套TheaterSoundSystem連杜比5.1系統，觀看影片尤如置身迷你劇院內。

■前、中排之間嘅儲物匣後方，備有不同電插頭及咪高峯座。

■車頭裝有閉路電視，可同時監察左右路面情況。

■車尾同樣設有泊車閉路攝影機，可撇除盲點問題。

先進輔助裝備富安全性
新車同樣以一台3.0公升V6偈（馬力220匹），以及4前速自動波為標準裝備；另外，四輪同樣改用咗跑車化吸震筒，有助增強行車穩定性。
其次，四幅式軚盤重輔有音響及免提電話裝置，以免影響駕駛者集中精神駕車嘅需要㗎！

■新車裝備不同凡響，享受既全面又有齊High-tech先進系統，好啱有品味嘅用家需要。