2004年世界越野錦標賽（WorldRallyChampionship，簡稱WRC），將會喺嚟緊1月23至25日，響蒙地卡羅舉行首站賽事；與往年一樣，今屆賽事吸引到唔少廠隊參加，除有越野車賽常客嘅富士、先進、標致及福特外，今年重返WRC賽事嘅三菱，亦備受各界車迷所注視。
響今屆賽事中，三菱將會派出全新LancerWRC04戰車參賽，新戰車不但外觀極具吸引力，佢所採用嗰台編號4G63嘅2.0公升直4DOHCTurbo偈，馬力輸出達300ps/5500rpm，而當引擎轉數達3500rpm時，更能造出達55.0kgm嘅扭力峯值，表現絕不遜於其他對手；至於參賽車手方面，包括有駕駛第一車嘅法籍車手GillesPanizzi及HervePanizzi，以及第二車嘅芬蘭車手KristianSohlberg及KajLindstrom等等，佢哋擁有豐富經驗，相信定必努力作賽，務求於今屆賽事中取得好成績呢！