三人組合Beyond的兩位成員黃家強及黃貫中(Paul)，昨日往商台做訪問，被問到Beyond另一位成員葉世榮又被人寫大字報，指他欠債未還，家強就替世榮講好說話：「呢個係一個鬧劇，香港市民一定唔會信，真係唔好當香港人咁愚昧。」
被人寫大字報內亦牽涉朱茵的名字，問阿Paul女友可有生氣？他說：「梗有嬲啦！點會唔嬲，但佢明㗎啦！」而身在肇慶的當事人葉世榮，昨日回應說：「我會告番對方，同埋報咗警，其他嘅嘢已經交咗畀律師處理。我唔會為呢件事返香港澄清，因為我喺內地做緊唱片宣傳。」葉世榮亦再次澄清沒有欠人錢，而他更就此事向兄弟及朋友致歉。