自從民建聯同董建華政府劃清界線、唔做保皇黨之後，惹來唔少傳統左派人士不滿，聽聞有人重密謀籌組新政黨，取代民建聯地位。
呢個風聲最近愈傳愈盛，連區議會選舉都輸埋嘅前區議員王紹爾噚日聲稱，佢都有被接觸游說，組成新嘅左派政團。八方聽完之後，講笑咁話，如果真有成事，呢個新政黨好應該名正言順叫做「保皇黨」，以證明民建聯唔做係走寶，大把人爭住要「保皇」招牌。
身為港進聯成員嘅「王小二」又同八方講，佢自己喺九龍西仍然有地盤有實力，重計劃拉埋一男一女兩隻「馬仔」同佢排同一條隊出選立法會，其中一位女士就係曾經同藍鴻震一齊參選過嘅楊沁渝。
不過如果民建聯前主席曾鈺成返去九龍西選，港進聯就未必畀王小二出選該區。唔止民主派要協調，票源吃緊嘅左派更加要協調。
傳真︰2623-9278
電郵︰