鄭伊健、黃伊汶、余文樂、Cookies三位成員及鄧健泓等，昨日齊到機場富豪酒店出席商台「揮筆賀歲耀耆英」活動，特首夫人董趙洪娉亦有出席，並不時與鄭伊健密密斟。鄭伊健事後說：「董太叫我介紹啲好電影畀佢同先生睇，我就寫咗十幾套畀佢，都係我覺得上年好嘅電影，當然有我主演嗰啲，亦有梁詠琪做嗰啲，同《無間道》等。」
至於緋聞男女黃伊汶和余文樂昨日同場出現，由於樂仔鼻膜發炎及輕微發燒，所以他戴上口罩現身，並與黃伊汶保持距離，不過最後兩人都有傾談。問到黃伊汶會否與樂仔組成情侶檔合唱，她說：「都唔夾，我跳舞㗎嘛，我寧願夾個跳舞嘅，佢話過唔跳舞。」
而樂仔得知黃伊汶嫌他不懂跳舞時即說：「搵第二個囉，恭喜晒，最好搵李克勤，佢跳舞好叻㗎。」
雖然黃伊汶和樂仔強調只是好友關係，但兩人計劃農曆新年旅遊的地點竟不約而同是泰國，不過黃伊汶就自掏腰包請一班同事旅行，而樂仔則打算與家人往度歲。
採訪、攝影：駱華齡