唔經唔覺李明逵坐正做警隊一哥已經一個月，噚日佢就按照傳統以新一哥身份到北京禮節性拜會公安部部長等官員。
按照政府對高級官員嘅待遇規定，一哥公幹可以坐頭等機位，但李Sir卻反傳統，今次北訪棄舒適寬敞嘅頭等機位而改同其他訪京嘅警隊高層人員一齊坐經濟客位。
一哥坐嘅座位號數編排竟重後過八方所坐嘅座號。八方好奇問一哥點解揀坐經濟客位，一哥話𠵱家政府要一筆過撥款，警隊當然要盡量慳啲，同埋又可與同事坐埋一齊，八方問一哥咁做係咪想以身作則，帶頭節約資源，叫啲夥計跟住做，一哥笑住講「我冇咁講過，係你講嘅咋！」
傳真︰2623-9278
電郵︰