古天樂、劉青雲及吳鎮宇前晚齊到海運大廈宣傳新片《鬼馬狂想曲》，現場擺放了二千個燈籠及一百呎長的爆竹，甚有過年氣氛。前晚不少女fans爭着與古仔合照，還依偎在其胸膛上，古仔一概來者不拒，一一應要求簽名合照。
古天樂表示童年時曾因玩爆竹而弄傷手，至今仍留有疤痕，他說：「所以我見人玩都會驚，有陰影呀，我細個重試過將啲花炮掉入人哋間屋。」
而青雲提到張栢芝憑《大隻佬》獲香港評論學會選為「最佳女演員」一事時，他說：「畀我揀就揀佢嘅《忘不了》得獎，不過套戲我有份做，咁講唔係好公平嘅，《大隻佬》係近年比較特別嘅戲，題材好唔錯。」青雲又表示稍後會與容祖兒合拍新片《萬人迷》，扮演開凍肉舖的豬肉佬，青雲說：「呢個組合幾新鮮㗎。」
採訪、攝影：卓美娟