今個星期戲碼真係麻麻，雖然PS2白色主機套裝依然好賣，但係新出嘅PS2《女忍者》同《TimeCirsis3》中文版反應就一般，始終動作遊戲都唔太需要中文輔助，鐵人反而睇好大年初一推出嘅《死魂曲～SIREN》中文版，之前日文版口碑唔錯，好多機迷都話要玩番中文版了解劇情。而《ZOE2》特別版屬舊Game翻炒，市價$250左右，SEGAAGE嘅《肥瘦大盜全集》反應就好好，畫面雖然冇大幅強化，勝在玩法搭夠，玩落分分鐘比𠵱家啲新Game重好玩，市價200蚊有找唔算貴。
今個新年雖然大作欠奉，儲埋利是錢都冇乜好買，但到二月開始，CAPCOM喺PS2上推出嘅《鬼武者3》加《MONSTERHUNTER》就備受注目，前者更會喺香港同日本搞大型宣傳活動，而隨遊戲發售嘅SideProduct好似記憶卡、攻略本等就梗唔少得，不過今次CAPCOM就學SQUAREENIX出限定版刀形手掣，擺明要Fans大出血。其他大作重有《戰國無雙》、《FFX-2InternationalFinalMission》、同《WINNINGELEVEN7國際版》，真係買Game都買到窮。
文：打機鐵人