劉德華、蕭芳芳及芳艷芬昨日出席打手印儀式，說起故友梅艷芳時，華仔雖然表示心情已平復，但他卻即時眼濕濕，至於華仔在阿梅彌留之際，他與阿梅談了甚麼，他視之為秘密，不願公開。
劉德華、蕭芳芳及芳艷芬昨日在尖沙嘴出席星光大道第四次打手印儀式，不過大會安排的咪卻失靈，華仔即主動替芳艷芬弄咪，由於蕭芳芳聽覺有問題，當現場記者大聲叫華仔影相時，她忍不住要掩着耳朵。
華仔前日憑《大隻佬》獲「香港電影評論學會」選為「最佳男演員」，他說：「我終於可以打破僵局。」華仔透露電影《十面埋伏》已拍攝完畢，至於會否因梅艷芳病逝而易角，華仔說：「唔知，唔想由我講，以我嚟睇，我會覺得冇改過，（阿梅）精神仍在。」
近日有報道指台灣歌手陶喆是阿梅生前最後的一位男友，華仔即嚴肅地說：「重講呀，夠未呀，呢啲嘢可以再講遠啲，好多嘢可以再發展落去，電影都係由冇發展落去，但有冇呢個需要，係咪重要講呢啲咁嘅嘢，我覺得唔使。」那麼華仔的心情是否已平復？他說：「平復咗好耐，真朋友喺自己生活遠離咗，偶爾記番起係人之常情。𠵱家生活回復正規。」提到華仔在阿梅彌留之際，跟他說過甚麼時，他即時眼濕濕，並沒有回答，身邊的助手說：「呢啲係華仔同阿梅之間嘅秘密。」華仔聞言後，猶豫了一會說：「我冇乜嘢講。」
華仔透露農曆新年會到日本宣傳及休息，至於是否只陪同母親，華仔調皮地說：「你理得我陪邊個！」
蕭芳芳日前缺席阿梅喪禮，對此她說：「我怕嘈，本來打算之前去靈堂，但嗰日搭的士去到半路塞車，我哮喘唔舒服。舊年阿梅答應出席護苗活動，佢扮男仔跳舞，結果被沙士影響延期，𠵱家都冇機會。」
此外，華仔昨日接受商台電話訪問，提到會否為阿梅念經時，他說：「念經呢排就冇啦，但係後日三七，佢哋都會有誦經。我諗其實一路以嚟都知道面對生活、面對朋友都係活在當下，但係經過今次會再明白啲。」
採訪：陳梅香
攝影：陳偉權
