記者踏進唐婆婆的家，恍如踏入一個小型貨倉，觸目所及，遍地都是雜物，而且甚為混亂。「呢啲都係我啲冬天、夏天衫褲，重有一啲日用品，屋企冇櫃，咪惟有一袋二袋放喺地下囉。」白髮斑斑的唐婆婆一臉無奈地說。
七十四歲的唐婆婆，早年由木屋搬往現時的公屋，丈夫早逝，三名子女又已婚不同住，她多年來過着孤單的獨居生活。唐婆婆勞碌半生，分別從事過家傭、酒樓傳菜等工作，直至七、八年前，因為身體欠佳才被迫退休。「可能後生嘅時候捱得太辛苦，又冇乜調理，老來周身病痛，個胃因為胃潰瘍、胃出血做過兩次手術，另外，雙眼又有白內障，我隻左眼好弱，幾乎睇唔到。」
退休後的唐婆婆，目前靠綜援金維生，經濟緊絀，早年由木屋「上樓」，也沒有購買過一件家具，大部份物品皆由街坊轉贈或撿拾回來，惟獨欠衣櫃及儲物櫃。「朋友成日笑我間屋亂，我都唔想，不過，我真係冇本事自己攞千幾二千蚊出嚟買兩個櫃。」你願意伸出援手，助唐婆婆改善家居環境嗎？
捐款編號：C1258
暖流熱線
電話：29908688
傳真：23702192
電郵：
網址：