香港政改爭論剛剛開始，北京已經喝住外國勢力咪插嘴亂講嘢，日前美、英兩國官員先後評論香港民主化，即時俾京官鬧番轉頭。香港電台噚日邀請四十個各國駐港總領事出席新節目《領事金曲》宣傳活動，個節目係由各國總領事開咪介紹自己國家民族歌曲或心水金曲，由負責政改嘅煲呔做主禮嘉賓，記者對聽歌興趣不大，最想追問政改問題，不過煲呔話只談文化不談政治，記者惟有向各國領事埋手，點知大家異口同聲話只談音樂，政治問題？Noway！
（圖）煲呔同各國駐港總領事齊齊同大家拜個早年，暫不談政治。
黃建通攝
傳真︰2623-9278
電郵︰