賭王四太梁安琪最近踏足出版業，實行做埋傳媒大亨。四太投資嘅《香港自由行》雙周刊噚日舉行創刊記者會，四太雖然好謙咁話自己係傳媒新丁，但又話搞呢本雙周刊只係第一步，日後可能進軍其他傳播媒體。
講到做傳媒，四太話怕旗下雜誌採訪新聞時會得失朋友，所以揀咗做「吃喝玩樂」嘅雜誌。四太唔肯透露本書嘅投資額，但問到涉及幾多位數字，佢就好幽默咁話：「我玩百家樂，最好係有八、有九，就八個至九個位啦」。
呢本雜誌，目標係內地來港的自由行旅客，向佢地介紹香港嘅飲食購物消費旺點，今個禮拜六開始，喺羅湖、紅磡、九龍塘火車站、機場，同埋自由行必到shopping地點。由於本書免費派，收入靠晒廣告，八方諗，若然四太同賭王粉墨登場，就唔憂冇人落廣告啦，點知四太話，編採部同事話冇咁快到佢兩位出場。
（圖）四太着到靚靚去佢本雙周刊嘅創刊記招，大收宣傳之效。
程志遠攝
傳真︰2623-9278
電郵︰