Q：點解會「俾鬼笮」？醫學上有無正式稱呼？
A：「俾鬼笮」正式醫學名稱為「睡眠癱瘓」（SleepParalysis），這是一種睡眠現象，有些人在睡眠中發噩夢，出現如被人追殺等恐怖場面，人好像醒了，但由於肌肉仍未甦醒，往往令人全身肌肉動彈不得，想郁都郁唔到，使人十分惶恐。
Q：有啲人身處外地嘅酒店度宿時常有「俾鬼笮」嘅經驗，究竟點解？
A：「俾鬼笮」通常是因為焦慮、緊張、抑鬱而產生，有些人身處異鄉會害怕撞鬼、又或不習慣陌生的床鋪等，都會影響睡眠狀態而出現這種生理現象。
Q：「俾鬼笮」需唔需要醫治？有咩方法治療呢？
A：一般來說，若果「俾鬼笮」的次數不多，對個人生活也沒有影響的話，大多不用理會，不過，若發覺「俾鬼笮」的次數頻密之餘，又如令患者晚晚睡眠前都感到驚慌、事後覺得好辛苦的話，便有需要治理。最重要是找到源頭，了解問題徵結並解決它，此外，服用適量藥物如安眠藥、鎮定劑及抗抑鬱素都有幫助。
Q：當「俾鬼笮」時，可以怎樣做來減輕驚惶的狀態呢？
A：當「俾鬼笮」時，全身自主肌肉會不能郁動，但呼吸肌肉則不受影響，若想「俾鬼笮」快些消失，不妨深呼吸數次，有助加快甦醒，減輕驚惶程度。相反，若果愈掙扎，只會令人覺得愈惶恐，身體愈僵硬。
如有任何健康問題查詢，可傳真至：27420542或郵寄予本報，地址：香港將軍澳工業邨西駿盈街8號《蘋果日報》副刊「保健Q&A」收