雖然棉價上升問題，在舊年影響多隻紡織股的表現，但隨着多間公司老闆多番解釋，話自己公司唔受影響之後，好多隻紡織股如福田實業（420）同魏橋紡織（2698）等，股價已經升番好多，就算賣紡織機械的立信工業（641），近排股價亦見過新高，近日則出現回吐。
經紀陳今日推介同魏橋差唔多時間上市，但size細好多的錦藝紡織（565），記得隻股上市之初，曾經熱炒過一輪，其後與一眾紡織股一齊轉趨平淡。
經紀陳話，市場傳聞錦藝上市之初，得到一班寶島投資者捧場，所以先至咁熱鬧，據講現時佢哋仍然坐住唔少貨。
由於紡織股近期轉勢，而公司管理層亦好努力，得閒會見吓分析員同證券界人士，保持良好溝通，再加上股價較其他同類股相對便宜，現價往績PE只係7.7倍，有機會追落後。
錦藝上市以來，最高見過0.88元，噚日下跌2.56%，收0.76元。小初即管睇吓經紀陳今次嘅料堅唔堅。
慕容小初