在年宵攤位往往可看到港人靈活的頭腦，數名年輕人趁「還政於民」這個口號大熱，將攤位改名為「還價於民」，事有湊巧，旁邊剛剛就是支聯會掛滿「還政於民」橫額的攤位，結果昨日未開業，已不斷有人查問：「你哋賣乜㗎？」
維園年宵攤位今日開鑼，場內昨晚燈火通明，檔主都忙於作最後準備，載滿貨物的貨車穿梭不停。
「我哋一早就諗咗叫『還價於民』，因為7.1遊行hit嘛。點知前幾日，嚟到先見到咁啱隔籬就係支聯會，人哋以為我哋都係，有個阿伯重問我哋係咪寫錯個『政』字㖭。」待業的陳先生希望吸收經驗為日後創業鋪路。
身旁的布先生（任職救生員）則與數名朋友埋頭拆箱，他們已是第三次經營年宵攤位：「第一次喺觀塘，賺咗兩千；第二次喺將軍澳，賺咗六千；今年希望賺十萬元，哈！做人要有希望，講吓都得啩！」他們今年售賣風車及自己設計售價十元的激光劍：「鍾意卡通高達，都知道呢把係乜劍！我唔敢話佢係，費事俾人話翻版。」
日文教師李先生投資達一百萬元經營攤位：「我有信心㗎，因為問過啲學生，知道年輕人對呢啲武器好有興趣！」他賣的是按小說《三國演義》為藍本而設計的刀劍，每把比人還高，售價一百元：「龍虎門啲武器賣幾百蚊都有人買啦！」
本報記者