根據非正式統計，每逢過新年，都是出外旅遊的高峯期，當中很多人都會選擇去滑雪。梗係喇，唔使派利是又可以過個白色新年，超爽！小妹亦深明此道理，今次特別為大家搵咗個雪褸開倉，牌子唔算多但勝在夠平，市面買幾千蚊件，家陣幾百蚊有交易，執番套戰衣上陣，就算唔滑得都睇得！
記者：黃婉冰
攝影：陳偉強
ImageGirl&Boy：Suki、Duncan
MakeUp：Emily
Hair：NiNi（DreamDestination）
同樣以纖維保暖綿製成，外層防風、抗水，最特別係雙領式設計。玩到條頸熱辣辣，可以將內領反轉，其特別質料可令頸部有種涼浸浸的感覺，有助散熱，再反轉又可以有保暖作用，一領兩用。
開倉價$899
原價$2,400
自問係滑得之人，下下都要玩晒花式跳高轉圈，呢款一件頭Overall就至啱。外層質料防風、透氣、抗水，內有防風褲腳設計，將內層褲腳索實，可防風雪入侵。全件用上纖維保暖綿，最適合滑雪着。
開倉價$989/件
原價$4,400/件
滑雪唔着番條滑雪褲，兩條腿肯定變雪條。滑雪褲最緊要防水兼透氣，Killy（左）除普通款式外，另有吊帶款，玩到幾激都唔怕甩褲，另有小童尺碼。要保暖可以揀EW的滑雪褲（右），外層用日本最靚的EntrantGII料，防風防水，加埋Fleece內裏夠保暖。
Killy吊帶雪褲（左）
開倉價$699
原價$1,600
EW雪褲（右）
開倉價$419
原價$599
驟眼睇似羊仔毛，但查實係一種來自意大利的抓毛，雖然保暖度不及雪褸，但零度至十度低溫一樣無問題，褸帽有索繩，禦寒一樣掂。
開倉價$799
原價$1,999
呢件男裝短身褸最大特點係多袋，衫身有四個大袋，衫袖重有個袋放無線電話。橡筋衫腳加上領位有Fleece，保暖度更高，衫領內藏有帽，大風時可以大派用場。
開倉價$699
原價$2,400
法國人BoutinRoland：「我睇報紙知道有減價，喺法國買一件Killy起碼要港幣八千元，𠵱家一千蚊唔使，真係平好多。我今次掃咗件滑雪褲和一件Overall，重有帽㖭！」
每件Killy滑雪褸、褲都內藏有一個叫RECCO的生命感應器，當遇到意外時會發出信號，令探測雷達可以在雪地中進行搜索。
EW呢兩款羽絨，除用上EntrantGII高度防水質料作面層外，全件褸的線縫亦車有防水貼，可以完全做到衫身不滲水。90%純鵝羽絨，加上腰位的索帶設計，着上身更貼身更暖，就連褸帽亦有羽絨，所以堪稱羽絨王。
開倉價$1,469/件
原價$2,199/件
由衫身到褸帽都有80%純鵝羽絨，上下拉鏈式設計，方便坐低時可以將拉鏈由下向上拉開，咁就唔怕褸腳會箍住唔舒服。褸帽可隨意拆除，褸內有暗格可放手提電話。
開倉價$863
原價$1,699
質料可防風、防水兼透氣，衫袖有反光字，夜間活動夠晒安全。腋下位置有拉鏈，就算玩到出晒汗都一樣透氣，褸內有多個不同大小暗袋，方便放各種重要物件。
開倉價$379
原價$599
稱得上全天侯，即任何時侯都啱着。衫身用EntranrGII料，防風、防水又透氣，衫身有反光條，現買風褸更附送Fleece一件，可作為內膽或普通外套，再凍可改用羽絨做內膽提高保暖度。
開倉價$499
原價$1,500
小童款式都唔輸蝕，80%純鵝羽絨加上外層可跣水防風，拉鏈外再加啪鈕設計，唔怕入雪冷親。褸身有小扣方便掛手套，另有黃、紅兩色。（價錢因應不同尺碼有所不同）
開倉價$503-$575
原價$998-$1,149
雪褸開倉資料：
日期：即日起至1月21日
時間：上午10時至晚上7時，21日上午10時至下午5時。
地點：荔枝角通州西街1059號至1061號新光工業大廈1字樓（荔枝角C出口）
查詢電話：27420800
付款方法：現金、EPS、信用卡（購物滿$300方可使用信用卡）
