挨年近晚，官場上下開始瀰漫假期氣氛，但工商及科技局鬍鬚仔局長曾俊華今年農曆年卻冇假放，因為佢要飛去瑞士達沃斯出席世界經濟論壇年會，今年大會由一月廿一號開到廿五號，正係年三十晚至大年初四，曾俊華要喺瑞士送羊迎猴，預計年初三返香港，大家想問鬍鬚仔局長𢭃利是就要計啱時間嘞。
除咗曾俊華，第一東方投資集團董事長諸立力今年亦會出席世界經濟論壇年會，VictorChu係年會常客，幾年前曾隨港府代表團參加年會。
曾俊華參加年會來去匆匆，因為要趕住搞CEPA之中、港專業人士資格互認安排，預計二月會同國內有關單位開會傾傾，希望可盡快落實畀班專業人士可揮軍北上搵食，唔使喺香港吊鹽水咁慘情。
傳真︰2623-9278
電郵︰