噚日喺立法會，發生一宗滙豐銀行將業務遷離香港疑案。話說會議期間，銀行界立法會議員「寶Baby」李國寶突然向在場的財經事務及庫務局局長馬時亨查詢，話朝早收到料，指滙豐最近已將私人銀行業務總部，由香港遷咗去新加坡，聽講原因係新加坡有特別嘅稅務優惠所致。寶baby嘅意思當然係問香港有否俾新加坡影響其亞太金融中心地位?
俾寶baby拋一拋嘅馬局長，第一時間就話冇聽聞此事，滙豐私人銀行部一直喺香港，但唔少跨國銀行都會在新加坡再成立一個基地，用嚟處理南亞地區生意。不過佢都不敢怠慢，會後即刻搵人向滙豐查詢，結果證實係流料，新聞官即時向八方滙報，迅速澄清有關傳言。滙豐銀行發言人亦向八方表示，佢哋私人銀行部一直有喺新加坡設立辦事處，但總部仍然喺香港。寶baby一向敢言，但今次「大」唔到在私人銀行工作了多年嘅馬局長。
傳真︰2623-9278
電郵︰