上星期，亞Mark出席咗香港標致新代理首次傳媒聚會，席間除咗聽到今年新代理嘅大計，以及新車部署到港嘅編排外，席上亞Mark重同身兼標致及福特話事人嘅LeonardCheng傾談過，話嚟緊今年福特方面，亦續有新車抵港噃！
唔講唔知，查實日本萬事得車廠，早就納入咗美國福特汽車旗下，而剛推出嘅Mazda3車系，原來新車嘅底盤，係會同福特新Focus共同分享；Leonard話佢哋都好重視Mazda3在港推出後嘅銷情。與此同時，佢對新車底盤亦抱有好大信心，其穩妥性同出眾操控表現，相信會帶給本地車迷有全新感受。遲吓正式引入新版Focus，Leonard話部車全面革新嘅面貌同設備配搭，會係給車迷繼Mazda3以外，另一個好選擇㗎！大家又不妨拭目以待喇！