以降谷建志為首嘅日本樂隊DragonAsh，喺本地好受樂迷支持，佢哋上年張大碟《Harvest》最近就俾本地一本音樂雜誌選為去年嘅「日本最佳大碟」，更獲讀者選為去年「日本最佳音樂組合」。而DragonAsh近期乘勝追擊，推出咗全新VCD《PosseInVideo》，入面收錄咗多個新舊MV同珍貴嘅拍攝花絮。
其中最有趣嘅MV，就係拍到成個cyber式童話故事嘅《Episode4feat.SHUN,SHIGEO》，成個MV都用電腦動畫拍攝，重畫到DragonAsh七位成員似模似樣。佢哋化身太空人坐火箭上太空，又飛越太陽系，去到另一個海洋世界，差啲俾大魚吞咗，最後好彩有飛龍救佢哋逃出生天。
喺VCD入面，亦收錄呢個MV嘅另一個版本，入面出現更多有趣鏡頭，例如有降谷喺火箭入面捉青蛙、肥佬DJBots晒捽碟技術、兩個breakdance舞蹈員變咗跳芭蕾舞，而低音結他手馬場育三，竟然揸住鎚仔扑儍瓜，佢哋重喺海底俾鯊魚追，極之惹笑。