我羅拉成日聽啲日本男士講，搵女朋友最好要似吉岡美穗咁，因為佢靚之餘，睇落去又千依百順，但係結婚就免問嘞，因為吉岡似乎冇乜主見喎。吉岡聽到之後都唔知幾傷心，早兩日佢去睇相，第一件事問自己幾時嫁得出，個相士話佢過多兩年可能有人娶喎，如果錯過咗要再等多十年，吉岡聽到之後即刻話要全力「𠝹男」！