陳小春下月二十七和二十八日在紅館舉行兩場「陳小春夜生活演唱會」，他昨日到紅磡宣傳，並由六名性感女舞蹈員陪伴出場。
問小春指的夜生活是甚麼？他說：「邊個講去夜總會，啲思想咁oldschool，朋友去跳舞好正常，有冇下文係大家有遐想，正常男人都想識女仔，係識唔到合適女人。」
問小春會否邀請張栢芝做表演嘉賓時，他說：「你哋（指記者）幫我問佢，你哋熟啲，我哋呢啲騷仔請唔到佢。」問假如栢芝做嘉賓可會要求她穿得如女舞蹈員般性感？他說：「你哋問咗佢先，衫褲再同佢傾。」
小春上次開演唱會時，栢芝自掏腰包買票捧場，他說：「呢啲心意啫，佢嚟參觀都好開心。」小春又笑言想邀請黃夏蕙做表演嘉賓。
採訪、攝影：駱華齡