四位來自上海唔同部門嘅公務員，舊年十月開始來港進行三個月交流，分別喺房屋署、環保署同水務署返工。佢哋離開香港之前，噚日同傳媒見面，話香港公務員夠「三化兩高」。
所謂「三化」，指法制化、多元化、同現代化；而「兩高」就指標準高、程度高，八方第一次聽到咁嘅形容詞，果然好有祖國風味。其中一位工程師話搭地鐵轉車唔使上落樓層，只要過對面月台就得，體現出「香港很重視以人為本理念」。咁大頂高帽，香港公務員聽到梗係好受落，但上海貴賓又知唔知好多公務員今年開始要減人工兩年，真係有苦自己知。
傳真︰2623-9278
電郵︰