猴年將至，唔知新一年大家嘅運程如何？蔡素玉噚日喺立法會大讚風水名家蔡伯勵個仔，話虎父無犬子，蔡公子雖然自細就出國讀番書，𠵱家重喺歐洲嘅大學教美術，但唔知點解，把口非常之準。
好似九七回歸前，重未有人知金融風暴將會殺到，當時地產好景到日日有人排隊買樓，蔡公子同眾地產商同團訪京，勸大家有樓好出晒啲貨，快啲租樓住。啲地產商當佢儍咗，事後證明邊個至係儍。
蔡小姐又話自己當時參選臨立會，十五十六唔知得唔得，蔡公子一口咬定佢實選到，結果又中。
民建聯今鋪形勢唔多掂，八方即刻追問蔡小姐，有冇搵蔡公子算多次，九月立法會自己同黨友嘅勝算如何？蔡小姐即刻支支吾吾，話搵唔到對方，因為佢唔喺香港住。八方其實想請教吓蔡公子一個全港市民都想知嘅問題：董生會做到幾時？
傳真︰2623-9278
電郵︰