早排，八方去參加一對行家嘅婚宴，新郎洪開明係有線記者，新娘張秀娟任職港台，兩個人由讀書起愛情長跑。飲宴當晚政界都畀足面，李華明、葉國謙，重有左右兩大工會領袖鄭耀棠同劉千石都係座上貴賓。
大會舉行咗一個別開生面嘅直接選舉，叫啲賓客以一人一票方式，由五張新人結婚照片選出最佳照片，結果有兩張照片同分，大會「好公正」咁抽出兩個幸運兒，第一個中獎嘅係劉千石，阿石一上台，就知唔唱番幾句落唔到台，於是就算喉嚨唔舒服都頂硬上，唱咗一段《紫釵記》。
阿石唱完，大會再抽，今次竟然抽到棠哥，係咪造馬㗎？棠哥都好懷疑，但係玩吓啫，況且唱歌係佢強項，於是二話不說，清唱一首《敖包相會》，當然拍爛手掌。
（圖）劉千石（左）、鄭耀棠日前齊齊去飲，唔單止同枱食飯，重一齊中獎。
傳真︰2623-9278
電郵︰