【本報訊】有「阿瑟王」之稱的教育統籌局局長李國章近期甚惹火，每逢有他出現的地方都充滿火藥味，昨日的立法會會議上，面對代表教育界的立法會議員張文光批評教育改革朝令夕改，李國章即衝口而出說有人只會鸚鵡嘴跟人「亂噏」，挑起一場「口水戰」。
李國章首次就○五至○八年大學撥款方案作回應，反駁立法會議員楊森指他與財政司司長唐英年互相「扯貓尾」，又否認本月初在立法會隱瞞「0．0．5」撥款方案，強調當時因未有共識，所以不能說。他又指新方案並非定案，教統局仍未接受，看來他與唐英年仍有一番惡鬥。
教改推行多年，教師多次走上街遊行抗議，李國章罕有地承認有「失敗」之處，「我哋失敗係畀好多壓力教師，你可以話咁係失敗，舊時唔使做咁多嘢，𠵱家做多咗，咁係唔係失敗？」
議員張文光不滿教改朝令夕改，但他發言時未有舉出實例，令李國章乘勢反駁說：「邊一樣朝令夕改？個個聽到就照噏，好似鸚雀（鵡），冇一個講得出。」
張文光隨即稱，教改需要額外資源，並揶揄李國章要變教育「教主」，「唔係有信心、熱誠、堅持就可以成功，如局長所講，教改就係一個宗教，有信望愛就可以成功！」
議員梁耀忠又指教改失敗，打爛部份教職員飯碗。李國章未作回應，交由身旁的常任秘書長羅范椒芬「接招」。羅太笑着說：「最失敗係做咗三年教育，連議員都未明乜係教改。」
向來言詞狠辣的議員劉慧卿說：「教育應培養學生獨立思考、勇於發言，但局長你睇吓，去到學校學生唔敢同我講嘢。」李國章即反擊稱：「我見到劉議員都唔敢出聲，重好話啲學生！」