吾爾開希噚日喺FCC講嘢，全場爆滿，好多人都好似八方咁都想見吓呢位「老朋友」，睇睇佢重記唔記得當年長安街嘅人與物。
當年只有二十出頭，不知天高地厚嘅小子，今日已經係兩個細路嘅父親，吾爾開希用佢一口流利而帶美國口音嘅英語演說同答問題，淡淡定同十五年前冇大分別。
佢話一直以來最大嘅願望係返回家鄉，重記得回歸前嚟過香港，劉千石帶佢去邊境嘅情景，重踏舊地，原本以為自己會好傷感，點知一去到就好嬲，嬲點解自己有家歸不得喎。
佢話個仔成日問佢點解咁出名，佢嘅答案係佢二十一歲嘅時候做咗一件事，就係向當權者要多啲自由，結果要逃亡，返唔到家鄉。
（圖）吾爾開希（左）喺立法會外時遇到fans，要佢喺銀紙上面簽名，希希猶豫咗一陣，最終都有簽落去。
傳真︰2623-9278
電郵︰