於去年下半年，才正式踏足香港嘅瑞典紳寶全新9-3車系，自正式推出以來漸為本地車迷受落，而早前更憑藉贊助一套港產片，令紳寶車系更廣為港人所熟悉㗎！據亞Mark打聽所知，代理於農曆年過後，將有一連串大計，當中至矚目，會係紳寶9-3車系演變出來嘅開篷型號。過往，紳寶900開篷車曾在港有唔錯嘅銷量，被視為型男索女嘅至In代步用車，今勻接力棒交至9-3身上，以其咁入時又獨特嘅造型，加上幾近一應俱全嘅配套設施，當然賣點所在重係一個全電動軟篷頂裝置，有咁出眾嘅配套，相信遲吓若響今年年中，當全新9-3開篷車正式抵埗的話，難保唔會再掀起另一次開篷車熱潮㗎！