過年期間，總有機會打開全盒小吃一番，原來大部份全盒食物，統統多油多糖又多鹽，危害各位血脂、血糖、血壓同體重。唔想中招？不妨考慮營養師推介新式全盒食品，拆招之餘重可以健康啲。
記者：陳淑君 攝影：陳盛臣、楊錦文
模特兒：Kelly（StarAsiaWorkshop）
「全盒食品中最健康嘅算係瓜子，因為含不飽和脂肪，唔會刺激膽固醇上升，只要每日食唔超過20粒（約100卡路里）就可以。」
米施洛 營養護康中心營養師麥美芝
「全盒食物大多係零食，營養並唔高，亦唔能夠換算任何一種食物嚟代替正餐。一般零食都幾油膩，頗難消化，過量進食會令腸胃不適。即使係健康嘅人食得太多零食，都會增加日後患上慢性疾病嘅機會。」
以成年人每日應攝取1,500至1,800卡路里計算，每日攝取零食的熱量不應超過400卡路里，以免影響正常營養吸收，無論想食得傳統或健康，都可參考以下選擇與份量：
朱古力已含不少糖份，果仁及可可也含不少油份，例如食一粒金莎，已有70卡路里。有糖尿病及肥胖的人要小心。
有你好處：加有提子乾的朱古力或乳酪，至少含豐富鐵質及維他命C，乳酪更可提供鈣質。
油角層用豬油炸，其飽和脂肪會刺激血脂上升。油角餡料一般有糖、花生等，令所含油份更多。近年新興獨立包裝的油角仔，一塊都含100至120卡路里。
有你好處：米通主要為烘焗而成，且主要為澱粉質，不會太油膩。最好不要選擇加有花生的，以免額外添加油份。
杏脯卡路里高過椰子糖，但椰子糖的椰油是飽和脂肪，加上大量糖份，有高血脂人士及糖尿病患者要節制一下。
有你好處：杏脯沒添加多餘人造糖份，天然果糖較有益，也可提供維他命與纖維。
原本蓮藕有好高纖維，一片只得10卡路里，可惜加工時用上大量糖份，卡路里隨即飆升7倍。由於加工所用的糖為單糖，入血快，會愈食愈肥。一般糖漬賀年蔬果如糖蓮子、馬蹄一樣咁壞。
有你好處：脫水蔬果片仍保留纖維及礦物質，又含天然糖份，熱量較低。購買時謹記買無額外添加糖份及油份的，熱量會較低。
合桃卡路里雖然高過果仁，但後者油及鹽份超遠「勝」合桃，正如成年人一日只需6茶匙油，而10粒花生或腰果已相等於4茶匙油！有高血壓人士要盡量忍口。
有你好處：合桃不會令膽固醇上升，豐富鎂質更可增強抵抗力。
不少人一吃零食就好似上了癮，不能停口，分分鐘食到連正餐都食唔落。想過口癮又不影響健康，可有以下方法：
1.用剝瓜子器避油
紅瓜子殼含礦物油，不易消化，多吃可引致肚瀉，現在流行將白瓜子加上不同顏色，同樣也是礦物油，食用時最好利用剝瓜子器，減少口部接觸。
2.茶水送糖果
茶唔可以消脂，但可以刺激胃酸分泌，幫助消化。
3.留意糖油
留意糖份不應超過總熱量或碳水化合物的20%，成年人每日亦不應攝取超過30克油。
4.食橙消滯
食完零食再食橙、柑、奇異果等，可以消除油膩感。
5.甜食打底減胃口
當味蕾接觸味甜的食物，可以令胃口下降，營養師Kelly建議以下健康食法次序：
糖/糖蓮藕→果仁朱古力→果仁→油角；或
杏脯→脫水蘋果片→乾果朱古力→米通→原粒合桃
