短線遊：<br>鶴藪遠足掃平價年花

短線遊：
鶴藪遠足掃平價年花

新年將至，家家戶戶都會選購年花來粉飾家居，嫌市區年花貴，有時間的話不妨走遠少少，到郊外的花場直接購買，價錢是市價的3折。坐言起行，今天一於先遊覽鶴藪水塘，再到粉嶺鶴藪道的花場買平價年花，保證你滿載而歸。

記者：陸伊琳　攝影：梁細權
模特兒：Tracy、Low（SunSpot）

鶴藪花場花價3折
粉嶺鶴藪雖是郊外地方，但交通尚算方便，一條鶴藪道已有五六個大型花場，它們主要做批發生意，兼做零售，歡迎你打單泡入內選購，遠赴而來，花場主人絕不會令你失望，預了你不會大手入貨，一兩盆小生意，照做。
有一點要提提你，若需要送貨服務的話，花價是街價的一半；想平得徹底，建議你親力親為自己抬走，花價可是街價的3折！在花場買花的另一好處是選擇多，單是菊花已有幾百盆任你揀，品種又多又新鮮，保證你一定揀到心頭好。

瑰蘭花園　牡丹至抵買
鶴藪圍村口附近的「瑰蘭花園」毫不起眼，入口難尋，門牌嗎？園主這樣答：「係鶴藪道幾多號，我自己都唔知，總之見到大大幅寫住『山東牡丹』嘅紅色掛布就落車喇。」本以為只賣山東牡丹，誰知園內只得十多盆牡丹，菊花、大麗花、芍藥等反而更多，問價錢，大部份$40有找，是街價的6折左右，吸引度普通。
那十多盆牡丹呢？差點走漏眼，牡丹稱富貴花，身價高，兼以花冧數目多寡來定價（每個花冧$30），這裏的牡丹每盆至少有10個花冧，只賣百多元，街價最平$300，不用多說，即買2盆，放心，老闆說遲點會返貨。

■鶴藪道大樹夾道，兼有多個大型花場，陣陣花香撲鼻而來。

■鶴藪道旁的郊野公園約有15個免費泊車位，大大盆桔都可以車返屋企。

■大麗花，亦稱假牡丹，每盆$30。（街價約$60至$90）

■大紅芍藥，紅當當意頭好，每盆$35。（街價約$60至$90）

瑰蘭花園
地址：鶴藪道近鶴藪圍村口（26744605）

■菊花，多種顏色品種選擇，每盆$35至$40。（街價約$60至$90）

■牡丹先長花後出葉，到新年時分，它再不會光脫脫，這盆18個冧的牡丹售$120。（街價約$400至$700）

雲峰苑　買兩叠硃砂桔
鶴藪道往鶴藪水塘方向再走入些，眼前一個紅色鐵閘，霎眼以為是廢車場入口，想不到裏面別有洞天，是幾十年歷史的「雲峰苑」所在，這花場除年花批發外，還提供園藝設計、綠化工程、園林保養、專業鋸樹、溫室、售賣及月租植物等服務，想租盆桔？不要開玩笑吧，一盆兩盆，一百幾十元有交易，乾脆買回家吧。
場主很友善，他說：「Walkin客買兩三盆年花，時間許可都可以安排埋送貨服務嘅。」格價後，各類花價約是街價一半，而且質素也很好。如果自己抬走，價錢還可以再調低一點，記得講價。