擔任私人健身教練數年的Ryan說，兩年前開始擔任藝人的私人健身教練，而藝人和普通人一樣，初初是希望健身後體態及肌肉線條能更「靚」；但接觸過健身後，就會視健身為生活的一部份。
Ryan說：「最初是幫阿梅（梅艷芳）嘅徒弟Sameul，之後陸續開始幫何韻詩同余文樂，記得佢兩個當時都重未出唱片。至於陳小春及盧巧音在做演唱會前嚟過，最近則有相當鋼條型嘅李燦森搵我，希望經過鍛煉後可以令到啲肌肉大啲，外形好睇啲。」
「藝人生活時間比較顛倒，唔可以好似普通人咁每星期嚟兩三次，當佢哋有空檔時就會嚟得密啲，多嘢做嘅時候可能會兩三個月都抽唔到時間。不過，個別藝人例如何韻詩接觸過健身，知道健身除咗可以收身外，重可以令到身體更加健康；身體健康，工作自然更有效率，而𠵱家佢好樂意上嚟操練。」Ryan說。
健身：每星期3次，每次90分鐘
跑步機：每星期2次，每次60分鐘
高爾夫球：每兩星期1次
足球：1至2個月1次
小貼士：健身能令肌肉線條更好看，但想身體內外同樣健康，還須做些帶氧運動配合，如跑步及游水等，這樣才可加強心肺功能。
早餐：雞肉/吞拿魚三文治、果汁
午餐：雞扒、魚柳飯
下午茶：米粉 晚餐：牛扒飯
小貼士：少食多餐是健康重要因素，日常進食有飽的感覺已足夠，如懂得控制食量，基本上除了太肥的食物外，甚麼也可以食。