葉蒨文昨日到港台接受訪問，她表示前日出席完梅艷芳的喪禮回家後便哭，她說：「睇番佢嘅演唱會，覺得佢其實知道自己唔會再見到大家。」葉蒨文還表示很想知道阿梅為何這麼不開心，她說：「有次同阿梅嘅契媽一齊，見到阿梅飲得好醉，我問佢契媽點解唔話佢，佢契媽就話『我話到咩？』
「我諗阿梅未必會接受我咁嘅性格，阿梅鍾意照顧人，鍾意好多朋友，而我就鍾意平等，同埋唔需要咁多朋友。其實好多嘢都係可以解決，最緊要睇開啲。所以𠵱家我有任何計劃，只要每日開心同對得住自己就得。」
葉蒨文還稱阿梅會再回來，她說：「佢會再返嚟，佢有好多嘢未做完，佢會返嚟做埋，重會做得更好，更長命。不過，Leslie（張國榮）會唔會返嚟就唔知，因為自殺喺佛教嚟講就難啲。」
此外，葉蒨文透露老公林子祥其實頗介意她為新碟拍的性感照，但她則認為不難看便可以。
採訪、攝影：陳梅香