梅艷芳的喪禮雖已結束，但有份在阿梅喪禮上做義工的電影九大屬會工作人員昨日向本報投訴，指治喪委員會有大細超之嫌，一名不願透露姓名的義工說：「喪禮嗰日有成百人幫手做義工，大家都係出心幫梅姐，但當送阿梅嘅遺體去歌連臣角火葬場時，劉天蘭就話冇安排巴士畀我哋上山送梅姐最後一程，解穢酒就更加冇我哋份啦。有時唔係話貪一餐食，只係覺得明星就有得食，做嘢嘅就得到咁嘅待遇，我對呢班咁大細超嘅主事人有啲失望。」
治喪委員會發言人岑建勳昨在電話中說：「我唔相信投訴嘅人係真正嘅義工，以前我哋九大屬會嘅人都唔止一次做義工，我聽唔到有投訴，所以我唔相信今次會有。參加阿梅喪禮嘅義工有二百幾人，我哋當然唔可以全部安排佢哋出席解穢酒。」