車迷期待已久嘅萬事得Mazda3車系，自上周五正式登場以來，亞Mark聞得外界反應不俗，未及一星期，至今已收過近70部定單；當中，至教人意想不到嘅，會係五門SportWagon版反應奇佳，竟佔上定單嘅數量一半或以上。或許好多車迷，都跟我哋編輯部有共同睇法，新車款唔單止有歐洲車風味，響一眾1.5公升車級別中，近期亦鮮見有咁富活力同動感嘅車款嘛！再者，個別車身顏色要定到3月過後至有車交㖭！
然而，亞Mark重打聽到，話由於近期日圓高企關係，當中Mazda3五門版，遲吓車價重有可能會調高呢！若然唔想買貴車的話，就要快一步去Showroom落定喇！